0520 - 0521 宇宙船 扭蛋劇場 唵嘛呢叭咪吽

A: 佛誕哩排啲生意好...

0520 - 0521 宇宙船 扭蛋劇場 唵嘛呢叭咪吽

A: 佛誕哩排啲生意好OK~
B: 你做埋哩啲陰質事會有報應㗎~
A: 善事嚟㗎喎！我入啲雞仔唔係賣俾人食喎，我賣俾人放生喎！
B: 放生咗，佢地喺郊野搵唔到嘢食，咪又係死！
A: 咁咪……成佛囉。

B: 係你令佢地搵唔到嘢食㗎，佢地會番嚟搵你囉。
A: 下？鬼雞？
B: 冇錯！
A: 咁聽落都唔係好高攻啫。

B: 唔係哩個問題，係你會有報應囉。
A: 唔會㗎~你唔好咁迷信啦，星期日買番旗就OK㗎喇~
B: 你哩啲又唔叫迷信呀？
A: 買旗係社會責任都叫迷信呀？

B: 咁我問你吖，哩度你賣剩嗰啲雞仔，你點處理吖？又放生呀？
A: 梗係唔會啦！過咗佛誕，放生都冇效啦。

B: 咁你照賣呀？
A: 車，我又唔係雞農，賣咩雞啫，我只係一個做善事嘅人。我會將佢地捐去剩食機構！
B: 最後咪又係殺生?!
A: 你而家係咪企喺啲雞嗰面先！

B: 咁你最後都係要人食佢地，咁你一開始講咩放生啫！
A: 吓？尋日幫雞又唔得，今日幫人又唔得，你好偽善囉你啲人。
B: 我偽善?!
A: 不過你都啱嘅，放生雞仔的確唔係幾好。
B: 你知啦咩？
A: 啲storage問題好麻煩！迷你倉嗰邊係咁打嚟投訴……
B: 你擺喺迷你倉呀？
A: 下年都係放生雞扒就算。
B: 雞扒點放生呀？
A: 未熟嗰啲咪生囉。

---